Bibb Dylan - Superhero Songwriter!!

Battle of the Bloggers

2005-11-01T14:27:00.000Z

Ég hef ekki notað axlabönd frá því þarna um daginn, ef einhver var að velta því fyrir sér.

Það er búið að vera nóg að gera hjá Bibbunni, minni alla á að Blóðberg, sem er frábærlega skemmtilegt, fyndið og átakanlegt leikrit, frumsýnt á laugardag í Loftkastalanum. Í aðalhlutverkum er Bibban og Frissan (ekki hafa hátt um það, hvorki leikstjórinn né leikhópurinn vita það...)
Versta er að ég er orðin veik, er með hausinn fullan af hori, þykir miður ef Greensleeves verður sungið heldur nefmælt á föstudag...:(

Síðan er keppnin Battle of the Bloggers að byrja. Þetta er keppni sem Bríet Nielsen ætlar að standa fyrir, og munu hangerladies keppa við the double j's.
spennóspennó!

Iceland Airwaves

2005-10-24T15:11:00.000Z

Fór á Airwaves í fyrsta sinn, set rýni inn bráðum þegar ég nenni (þarf ekki að gera neitt núna, það er kvennafrídagur), fór samt dáldið í taugarnar á mér hversu lengi ég þurfti að bíða í röð. Missti næstum af José Gonzales ástmanni mínum, náði bara einu lagi, love will tear us apart, ætti frekar að vera "this line will tear us apart", sem hún reyndar gerði...hann var svo móðgaður að ég skyldi bara hafa séð eitt lag að hann hætti með mér eftir tónleikana... svo staða kvöld og helgarkærasta er aftur orðin laus, er byrjuð að taka við umsóknum, tek fram að þetta er EKKI rolluvinafélagið!!

Svo er um að gera að spenna sig upp, því eftir tæpar 2 vikur, nánar tiltekið 5 nóvember, verður hið stórkostlega leikrit "Blóðberg" frumsýnt, en þar sýnir Baby Jay stórkostlega takta sem þroskaheftrahatarinn Thelma. Auk þess spilar Fritz the Cat væna rollu sem ýmisskonar opinber og óopinber starfsmaður.

Kók í bauk og pulsa með lauk.

2005-10-24T15:09:00.000Z

You are Deb and you could drink whole milk if you
wanted.

Which Napoleon Dynamite character are you?
brought to you by Quizilla

Axlarbönd

2005-10-08T19:39:00.000Z

Ég var með axlarbönd í dag. Fannst það bara helvíti þægilegt. Kannski set ég þau bara aftur upp bráðum.

Life, oh life

2005-10-05T15:29:00.000Z

bööööö!

Sit á Þjóðarbókhlöðunni og er að gera ritgerð um internetlýðræði.
Var að komast að því að ég er ekki jafn gáfuð og ég lít út fyrir að vera, setti því upp stærri gleraugu í morgun til að plata samnemendur mína...og vonandi kennarann líka:/
Málið er að þetta er bara voða erfitt, svo er ég búin að hlaða á mig allskyns öðrum utanskóla verkefnum, hef rosalega gaman að þeim og allt, þarf bara að skipuleggja mig og æfa einbeitinguna.
Ég og Elli Thor (je men!) erum að farað kenna vídjógerðar námskeið í Garðaskóla frá og með næstu viku!!!! Voða spennó, fórum áðan að hitta Gunna Rikk sem allir gamlir Garðskælingjar þekkja, og gengum út með nýja vinnu, VúHÚ!!!
Gengur samt eitthvað illa að fóta mig í TaeKwonDo, hef bara mætt á eina æfingu, svo draumar mínir um að líkjast Beatrice Kiddo eru að verða fjarlægari með hverjum deginum... jæja, þá verð ég bara einsog Turtles, drekk geislavirkan úrgang og öðlast ofurkraftakaratehæfileika!!!! dúdúdúdúdúdúdú TURTLES!!!
Sakna Sigríðar, og fyrir ykkur hin sem einnig sakna hennar, bendi ég á bloggið:
blog.central.is/sigridurasa

auk þess eru herðatrjáadömurnar með allhressa heimasíðu, en slóð sú er:
blog.central.is/hangerladies

jæja, ætli maður haldi ekki áfram að mauða í þessari ritgerð

goodbye earthlings, enjoy the silence
B-lo to the Mojo

Er ástin heimsk? (spoiler)

2005-09-17T23:14:00.000Z

Mér finnst oftast voða rómó að horfa á myndir þar sem ástin sigrar að lokum, en stundum er þetta bara hálf fábjánalegt.
Ég var að horfa á myndina Win a Date with Tad Hamilton. Þar sem ung og sæt stelpa, leikin af Kate Bosworth (að sjálfsögðu...) sem vinnur stefnumót með drop dead fallegum gaur sem er ógeðslega svalur og fáranlega vel vaxinn- já, og svo er hann álíka frægur og Brad Pitt.
Hann fer að stíga í vænginn við hana eftir þetta stefnumót, og hún verður voða skotin, ekki skrýtið, en vinur hennar, leikin af litlum lúða sem er örugglega voða næs en alveg hræðilega leiðinlegur, verður ógeðslega abbó þvi hann er ástfanginn af henni en hefur aldrei haft taugar í að segja henni það og hún tók aldrei eftir því. Síðan er málum þannig háttað að Tad (hot gaurinn) fær hlutverk í stórmynd og biður þessa stelpu að koma með sér, en ÞÁ dettur vini hennar í hug að tjá henni eilífa ást sína. Þið vitið endinn, hún ákveður að fara með sæta gaurnum, en þegar hún er komin af stað í einkaþotu Tads á leið til Cali, hættir hún við og biður hann að snúa við svo hún og snúlli litli geta flutt til Texas og hafið hreindýraræktun.
Ég er ekki alveg svo fölsk að vera með einhverjum bara fyrir peninga og frægð, en hún var ógeðslega hrifin af sæta gaurnum, og hafði aldrei pælt í hinum gaurnum, en SAMT velur hún lúðann!!
Ég bý reyndar ekki svo vel að þurfa að velja á milli gaura, reyndar er allt steindautt sem stendur, eina valið er oftast milli þess að kúra með kettinum eða litla bróður mínum, en ef ég hefði þetta val.... Tékkið á þessum gaur, hann heitir Josh Duhamel...

Já, það er laugardagskvöld, og já, ég var heima með kettinum og mömmu minni.
Ég er að gera mjög spennandi ritgerð um lýðræði, annars væri ég að sjálfsögðu úti við opnun einhvers næturklúbbs eða á stefnumóti með Clive Owen einhverstaðar...bara svo það sé clear...

Peace out
Bibb Dylan

Samhugur

2005-09-13T17:39:00.000Z

Það er ósjaldan sem maður hugsar með pirringi til samlanda sinna, eða blótar einhverjum í hljóði vegna einhvers sem fer í taugarnar á manni. Þrátt fyrir hversu erfitt það getur stundið verið að búa með fullt af öðrum maurum í þessu samfélagi koma atvik sem tengja okkur saman og náungakærleikurinn tekur völdin.
Ég lenti í tveim þannig atvikum áðan. Var á leið heim úr skólanum, klukkan farin að ganga 6 og ALLIR á leið heim úr vinnu. Fullt af fólki að keyra asnalega, svína fyrir og ein kella keyrði á miðjum veginum, tók tvær akreinar... og ég bölvaði henni í hljóði.
Svo breyttist þetta. Sjúkrabíll með blikkandi sírenur. Allt í einu var samhugur með öllum þessum bílstjórum um að sjúkrabíllinn kæmist leiðar sinnar sem fyrst-hratt og örugglega- allir keyrðu út í kant eða þangað sem þeir voru ekki fyrir.
Að öllu gríni og drama slepptu, þá er ekki frá því að maður tárist við svona atburð. Á stundum sem þessum finnur maður að það er ennþá samstaða um að hjálpa hver öðrum í þessu litla þjóðfélagi. Okkur er ekki sama.

Annars er ég opinberlega krýnd versti bloggari í alheiminum, en með því fylgir því miður ekki alheimsábyrgð frá Apple.
Það sem er hinsvegar að frétta er að ég er byrjuð í HÍ, í félagsfræði, og þykir það bara mjög skemmtilegt og áhugavert.
Ég er enn að taka við umsóknum um starf maka (hlutastarf, hægt að inna af hendi í frístundum og um helgar), enn sem komið er hefur einungis borist bréf frá manni að nafni Ketill sem er einbúi, en hann hélt að hann væri að sækja um styrk frá Sauðvinafélagi Íslands...er ég leiðrétti misskilninginn dró hann umsókn sína til baka, því miður fyrir mig, hann hljómaði einstaklega spennandi og lífsreyndur...

Fór á fund hjá Stúdentaleikhúsinu, ætla að reyna að troða mér þar inn.
Í dag kom ég svo við í gamla skólanum mínum og hitti alla gömlu kennarana mína, fékk svakalegt nostalgíukast, sumir kennarana voru orðnir meira einsog vinir en kennarar.

TAKIÐ EFTIR: Það er mánuður í útkomu fyrstu frumsömdu hljóðplötu Ragz Ramble, aka Ragnheiðar Gröndal, svo setjið ykkur í stellingar eyrnapúðarnir mínir...þið munið ekki verða fyrir vonbrigðum. Fregnir herma að Sólbert Einstein, hinn mikli eðlisfræðingur, hafi kompóserað coverið....

Fleira í tónlistarfréttum í dag:
Tónlisti vikunnar er komin, og lítur hann svona út:

1: New health rock -Tv On the Radio
2: Crosses -José Gonzales
3: Heartbeats -José Gonzales
4: My doorbell -White Stripes
5: Between the bars -Elliot Smith
6: Northern sky -Nick Drake
7: If you're looking for a way out -Tindersticks
8: Slow moves -José Gonzales
9: Leif Erikson -Interpol
10: Suzanne -Leonard Cohen

Check it!

kv. BB Buella

Lýðræði í Írak

2005-09-08T21:00:00.000Z

Gael

2005-08-26T19:04:00.000Z

Ég er að geyma mig fyrir þennan mann.... Gael ... Te quero...
Og hann styður Fair Trade!

Hola!

2005-08-26T17:23:00.000Z

Fyrir þá sem ekki vita þá er ég ekki að tala um hina almennu íslensku holu...barað segja hæ:) Ég er nefninlega svo asskoti múltílingúal eftir síðustu tvö verkefni uppí Leifsstöð!
Þetta eru semsagt svona kannanir sem ég og spyrlaklíkan mín erum búnar að vera með uppá flugvelli í næstum 2 vikur. Í gær brilleraði ég á þýskunni, leið einsog innfæddri Berlínarbollu, hugsaði mér að hoppa uppí næstu vél á leið til Frankfurt Hahn og farað dansa Conga á Alexanderplatz!

Í kvöld er ég að fara í útflutningsteiti til Ziggy bollagleypis, en hún er að flytja til Danaveldis á þriðjudag, hyggur á landvinninga á sviði iðnaðardesign...
Síðan er mér boðið í brúðkaup á morgun! Ég fer sem félagi mömmu, ætti að verða spennandi.

Það eru litlir refir sem eru MEGAsætir og eru með alveg húgó stór eyru!
Talandi um ketti, þá sendi ég fyrirspurn upp á Kattholt í gær, þar sem ég spurði hvort ég mætti koma og passa kettina einhverntímann, til öryggis tók ég fram að ég væri ekki 12 ára og þroskaheft... á eftir að fá svar...

Tímamótaávarp - verslunarmannahelgin

2005-07-29T22:02:00.000Z

Þegar þetta er skrifað sit ég á flugvellinum í Köben og er nýbúin að komast að því að það kostar að fara inn á þráðlausa netið hérna. Ég ákvað að koma tveimur tímum fyrr á flugvöllinn, og sá mér gott til glóðarinnar að geta nýtt tímann í smá vefvafur og vina catch up. Ekkert mun nú verða úr því, þar sem ég er ekki tilbúin að eyða DKR 40,- í hálftíma netsamband.

Mér varð með þessu máli ljóst hversu svakalega tæknidekruð ég er, og á það vafalaust við fleira ungt fólk. Mér finnst ekkert sjálfsagðara en að vera með “frítt” internet, hvert sem ég fer (það sem maður borgar ekki sjálfur er að sjálfsögðu frítt;) sem ég get þá tengt litla sæta lapptoppinn minn við þegar mér hentar. Síðan finnst mér sjálfsagt að vera með farsímann minn á mér (er búin að vera hálf vængbrotin síðustu daga, því gemsinn er heima) og þá sjaldan sem ég lendi á sambandslausum stað líður mér einsog ég sé komin aftur í miðaldir.

Síðan eru það iGerpinn öllsömul, var sjálf að fá einn iShuffle, finnst þetta frábært tæki og rosaflott hönnun en þau atriði eru bara lambaspörð miðað við snillinginn og mastermindið sem markaðssetti þessi ósköp. En þetta eru ekki ódýrar tækninýjungar, ætlaði að kaupa ein lúsug heyrnatól áðan til að geta hlustað á tónlist meðan ég hamra á lyklaborðið, og þau sem voru frá Eplinu kostuðu 5000 kr.! Ég endaði á að kaupa ein í sama gæðastaðli rétt undir þúsundkallinum.

Þetta eru samt bara þau tæki sem við erum með á okkur hvar sem við förum.
Fyrir utan þau er það bíllinn. Ég á bíl. Er reyndar að reynað selja hann, en á hann engu að síður enn. Þegar ég hef ekki átt bíl hef ég samt fengið far eða lánaðan bíl í flest þau skipti sem ég hef ætlað að viðra afturendann. Minn bíll er gamall, hann er hvorki með samlæsingu, rafmagni í rúðum né geislaspilara.

Þá er það heimilið. Allir eiga heimasíma, það er talið sjálfsagt mál, en hvaða fleiri tækniundur á heimilinu eru talin sjálfsagt mál?
Heimilistölvan og svo nokkur stykki hreyfanlegar tölvur (far-tölvur) oft ein á haus, hljómflutningstæki (í fleirtölu), örbylgjuofn, hárþurrka, sjónvörp, dvd-spilari, vídeótæki (fara að komast í “gamla drasl!” bunkann), fjarstýringar-sem þóttu einu sinni hreinasta tækniundur, ísskápur, eldavél...........
Ég ætla ekki að hafa þetta allsherjar upptalningu á rafmagnstækjum- og tólum heimilisins, heldur á þetta að vera smávegis áminning, fyrir mig sem ykkur, á hve fjandi gott við höfum það. Fyrir utan þennan frábæra aðbúnað sem við höfum, og ég var ekki einusinni byrjuð að telja upp rennandi vatn og þau tæki sem tengjast því, þá skortir okkur ekkert. Ef við erum svöng, þá förum við í ísskápinn og finnum okkur eitthvað, eða ef við finnum ekkert girnó þar, þá bara förum við í Hagkaup, og ef við erum þyrst, þá er hið fínasta vatn í næsta krana-og það er ókeypis! Meira að segja vatnið í klósettinu er drykkjarhæft (þegar ekki er búið að bæta okkar vítamínríka lífrænum úrgangi í það...).

Þegar svo óheppilega vildi til að við veikjumst (villtumst kannski í úrgangsbætta vatnið hér að ofan?) þá er læknir bara í eins símtals fjarlægð-og það er nóg af símum að velja úr-eða bara skutlast niður á bráðamóttöku á einhverjum bílnum.

Þýðir þetta ekki bara að við eigum allt, þurfum ekkert meira? Á vissan hátt, jú, en hinsvegar er einsog öll þessi tæki hafi dálítið forheimskandi áhrif á okkur. Við erum hætt að vera þakklát fyrir hvað við höfum, og öfund og hatur eru að ná yfirtökum á okkur.
Nú er verslunarmannahelgin að ganga í garð og það eru ófáir sem nýta helgina sem tækifæri til að viðra kroppinn, ég hef ákveðið að taka skrefið til fulls og viðra einnig hugann – þar á meðal mun ég reyna að lofta út neikvæðum hugsunum og fordómum í garð náungans, svo jákvæðar hugsanir og bróðurást fái meira pláss

...annars er þetta allt Candita sveppnum að kenna!

Peace out,
The Luvmaker Bibba Brown

Lifi Live8 !!!

2005-07-02T23:45:00.000Z

Tókst ekki með neinu móti að finna þessa Sirkus stöð, til að geta horft á Live8 í dag, en fann núna loksins út að ég get horft á þá á netinu...aftur og aftur og aftur.
Og það er einmitt það sem ég er að gera núna.
Þessa stundina er það Chris Martin og félagar í Coldplay sem eru að skemmta mér.
Farið á
http://music.channel.aol.com/live_8_concert/home/uk_main
til að horfa á atriði þeirra og fleiri...

...og takið eftir því að á píanóið sem Chris Martin spilar á, er vel merkt með merki Fair trade samtakanna innan Oxfam, og þið getið líka séð að hann er sjálfur búin að teikna merkið á handarbak hægri (að mig minnir, frekar en vinstri) handar sinnar...
Það er ekki annað hægt en að dást að fólki sem tileinkar sig svona baráttu!

Þrefalt húrra fyrir Bob Geldof og aðstandendum Live8!

Húrra!
Húrra!
HÚRRAAAAA!!!

Það er GOTT að borða íS!!!!

2005-06-30T23:27:00.000Z

Já! Þú heyrðir rétt, það er nefninlega stundum gott að borða ís!
Núna er sumar, en það er einmitt besti tíminn til að fá sér ís.
Það er hinsvegar ekki gott að borða allan ís, reyndar mæli ég bara með því að borða eina gerð af ís... Ben & Jerry's ís! ..og mun ég nú útskýra.:

Ég var að surfa um á netinu, því ég nennti ekki að horfa á sjónvarp, og hafði ekki einbeitingu í að lesa bók. En ég var líka að borða ís, Chocolate Fudge Brownie frá B&J. Einhvernveginn rambaði ég inn á heimasíðu ísgerðartvíeykisins, og þar kom mér margt á óvart!
Þetta lítur bara út fyrir að vera fyrirtæki til að taka sér til fyrirmyndar.
Helstu hráefni þeirra, þám mjólkin og kökurnar, koma frá litlum sjálfstæðum framleiðendur sem láta sér annt um umhverfið. Mjólkin kemur frá smábændum, sem eru með "lífrænar" kýr, en þær eru t.d. ekki sprautaðar með neinum vaxtarhormónum.
Kökurnar og deigið fá þeir frá bakaríi, sem tekur þátt í allskyns störfum til styrktar umhverfinu og samfélaginu.
Vanilluna, kaffibaunirnar og kakóið er keypt, fair trade(!), beint frá smábændum í þróunarlöndunum. Þessir bændur hafa komið sér upp samtökum, þar sem fyrirtæki (einsog B&J) kaupa af þeim hrávöru og borga þeim sanngjarnt verð fyrir, og af þeim pening er lagt fyrir í samfélagssjóð.
Úr þeim sjóði eru teknir peningar fyrir t.d. byggingu skóla, starfsuppbyggingu, aðstoða konur í samfélögunum að verða fjárhagslega sjálfstæðar (með því að lána þeim pening til að stofna eigin rekstur), osfrv.

Er ekki bara góð hugmynd að rölta útí næstu Hagkaupsverslun, sem býður ísinn á 449kr dolluna, eða Bónus, sem býður hann á 499 kr, og fjárfesta í nokkrum dollum?

Sanngirni-ekki bara orð, heldur athöfn.

Eigið góða helgi,
Kv. Bibb Dylan

Amman vaknar!

2005-06-24T20:04:00.000Z

Myndirnar úr fótósessjóninu eru komnar. Þetta er eitthvað sem allir hafa beðið eftir, og vafalaust margir sem sitja sveittir yfir þeim núna, svo ekki sé meira sagt!

slóðin er :

soley.01.is

Annars er sagan bakvið hljómsveitina sú, að við fórum allar í prufu fyrir að gerast meðlimir Nylon, en Einar Bárða hafnaði okkur á þeim forsendum að amma hans fór að gráta af hræðslu þegar Frissa fór að orga og öskra Vísur Vatnsenda-Rósu, auk þess sem gríðarleg hljóðfærakunnátta okkar fór e-ð fyrir brjóstið á honum..
Eftir að hafa verið hent út öfugum ákváðum við að gefast ekki upp, heldur standa vörð um listrænt tjáningarfrelsi, stofna hljómsveit, og verða frægar!
...og við ætlum ALDREI að hætta að túra...

Bibb Dylan

Meðmæli !!!MUST READ!!!

2005-06-22T22:23:00.000Z

Hljómsveitin Grandma Grying hóf í gær myndatökur fyrir uppkomandi tónleikaferðalag þeirra, sem að eigin sögn mun ALDREI TAKA ENDA!
Kvendin voru íðilfögur að vanda, en þrátt fyrir fegurð var kúlið þó í fyrirrúmi, en það reyndist hljómsveitarmeðlimum meðfætt.
Hver veit nema nokkrum góðum skotum verði sullað hér inn á næstu dögum?...

Professor Noam Chomsky

Ég endurnýjaði kynni mín við gamlan vin, sör Noam Chomsky (aðlaði hann sjálf meirasegja!). En bók hans, Understanding Power, er allt í senn, alfræðiorðabók, trúarbákn og uppflettirit. Hvet ég alla sem á kettlingi geta haldið að skoða bókina, eða manninn. Þetta er td góð slóð (rím!):

www.zmag.org/chomsky

Þið vitið EKKERT fyrr en þið hafið kynnt ykkur þennann mann.
Víst ég er að þessu, þá er hér að neðan fleiri meðmæli:

Professor Stephen Hawking:

-Maðurinn er með snilligáfu á við svarthol! Kynntist honum í gegnum Dr. Sólbert Einstein, eðlisfræðing með meiru, en hún hafði einmitt lesið þekktasta verk hans; "A Brief History of Time".
Hann er með taugahrörnunarsjúkdóm, er orðinn lamaður, er í hjólastól og talar með hjálp taltækis, tölvu sem tengd er við hjólastólinn, og er ítarlegar útskýrt á heimasíðu hans. Hann heldur fyrirlestra, og talar "í gegnum" tækið.
Þetta er maður sem er nauðsynlegt að kynna sér. Heimasíða:
www.hawking.org.uk

Adbusters:

-Samtök fyrir andstæðinga neyslsamfélagsins, sem slekkur á heilanum og kveikir á sjónvarpinu. Eru með virkilega áhugaverða síðu.
Eiga hrós skilið fyrir hvernig þeir hafa barist á móti ómannúðlegum merkjavörum, m.a. með anti-auglýsingum og það nýjasta, Blackspot skórinn, sem er heví töff strigaskór, með rauðum blett af framan, til að sparka ærlega í rassgatið á mönnum einsog Phil Knight, höfuð Nike fyrirtækisins, en vörur þeirra eru framleiddar í svokölluðum "sweatshops", þar sem konur og börn vinna endalaust lengi, við hræðilegar aðstæður, ekkert starfsöryggi og fá borgað kúk og kanil. Þrælahald 21 aldarinnar. Meira en vert að skoða.

www.adbusters.org

Fair Trade

Ég get aldrei talað nógu oft um þetta. Sanngjarnir viðskiptahættir, Sanngjörn verslun, fair verslun, hvað sem þú kýst að kalla þetta, þá er nauðsynlegt fyrir okkur að fara að átta okkur á hvaðan allar vörurnar, og hráefnin í þær, koma!
Hvað fékk kaffibóndinn fyrir baunirnar í kaffið sem þú varst að kaupa? Hvað fékk bómullarbóndinn fyrir bómulinn í fötunum sem þú ert í? Hvað fékk Kakóbóndinn fyrir kakóið í súkkulaðinu sem þú ert að borða!?!?!?
Er ekki komin tími til að líta í kringum sig og forvitnast um hvaðan hlutirnir koma, og hver gerði þá? Þetta er einsog að kaupa steríógræjur á 100 kall og þykjast ekki vita að þær eru stolnar!
Ég er ekki að segja ykkur að gerast einbúar og lifa einungis á lífrænt ræktuðum mosa, bara að skoða síðuna, lesa ykkur til, og SVO ákveða hvort þið ætlið að horfa framhjá þessu eða ekki. Svo fyrir þá sem eru mikið fyrir að fylgja idolum, þá er Chris Martin Coldplay raulari einn helsti stuðningsmaður samtakanna....

www.maketradefair.org

Fönn eða fordæmingu?

2005-06-18T20:22:00.000Z

Íslensk popptónlistarmyndbandagerð er orðin gróðrastía ógeðslegra auglýsingakrabba.
Í dag er ekki möguleiki að sjá eitt einasta tónlistarmyndband, amk sem framleidd eru af Skífunni eða álíka sulli, sem ekki inniheldur amk eina "falda" auglýsingu frá Ölgerðinni. Og þessar auglýsingar eru nú ekki sérstaklega vel faldar.
Tek sem dæmi auglýsingu, nei fyrirgefðu, tónlistarmyndband, með Jónsa og félögum í fötunum sínum.
Þar er Jónsi valhoppandi glaðbeittur með einhverri gellu á ströndinni, bæði alveg að harðlífa af hamingju, eru svo komin inn í eitthvað svefnherbergi. Allt voða innilegt og svona, fyrir utan að þarna, beint við hliðina á greddufullu andliti stúlkunnar, er myndavélinni beint að tveimur flöskum af Pepsi... WHAT!
Hvar koma þessar Pepsiflöskur inní forleik sögupersónanna? Á þetta að æsa mann?
Ú, ástríðufullt augaráð, ú, þarna sást í geirvörtur, ú, tvær fullar Pepsiflöskur....!!
Nei, þetta er bara til að tilkynna manni að hvorki tónlist, sköpun né listrænn metnaður koma þessum ósköpnöðum Skífumanna á neinn hátt við.
Þetta er bara bissness.
Eins með alla þessar "stjörnur" sem hafa verið búnar til/keyptar og seldar í niðursuðudósum. "Strákarnir (the sellouts formerly known as Auddi, Sveppi og Pétur litli)", "Nylon", "Kalli Bjarni"...og svo mætti lengi telja.
Krakkarnir dýrka þetta lið, og kaupa hvaða krapp sem það segir þeim að kaupa, og mér sýnist ekkert samviskubit af neinu viti þjaka þetta fólk. Afhverju ætti það svosem að hafa samviskubit. Þau eru bara heppin, þau eru bara að vinna sína vinnu, það er ekkert verið að neyða neinu ofaní neinn!
Svo virðist fólki af öllum aldri bara vera nokkuð vel við þessar vörur. Strákarnir eru fyndnir, stelpurnar sætar, tónlistin ágæt (fyrir heiladautt, tónheyrnarlaust fólk), amk eftir 150 hlustanir, þar sem söluvæn, listlega gerilsneydd tónlist sem einmitt rétta fyrirtækið er að selja er það eina sem flestar stöðvarnar (að Gufunni frátaldri) er að spila, aftur og aftur og aftur og aftur.
Þetta er alveg að virka. Pepsi er að seljast, diskarnir eru að seljast, varningurinn er að seljast, fólk brosir og er ánægt. Fyrir utan nokkra Lappalúða einsog mig sem væla undir nafnleynd á netinu, og hlusta á Gufuna til að fá smá tónlistarlega inspirasjón.

Er bardaginn bara búinn? Er tími til að gefast upp og leyfa neyslumenningunni að tröllríða allri annarri menningu sem taldi sig einhverntíman hafa haft fótfestu á þessari litlu dvergaeyju í Atlantshafi?

"Krakkar!! Munið eftir guðsþjónustunni á sunnudaginn á Stöð 2, þar sem Auddi Almáttugur og lærisveinar hans, munu fræða ykkur um hvað þið eigið að kaupa, svo þið skerið ykkur ekki frá öllum hinum krökkunum, og komist hjá því að vera strítt fyrir að vera öðruvísi! Veljið fönnið frekar en fordæmingu.. Og munið...Pepsi, best ííískalt!!!"

Yfir og út,
Bibb Dylan
One mad old motherfucker

Sumarfrí tilveru minnar

2005-06-04T18:59:00.000Z

Ég var að koma úr Nóatúni. Ég sá ekkert fair trade kaffi né súkkulaði.
Held að þetta langa sumarfrí sem tilvera mín er búin að vera í sé á enda.
Nú er komin tími til að framkvæma, lifa, vera, njóta og allt.
Erlingur kom í heimsókn og við brainstormuðum um hugsanleg meistaraverk á sviði kvikmyndagerðar. Sit sveitt yfir Word, að reyna að koma hugmyndum mínum á tölvublað.

Vikan er búin að vera frekar hæg í Vínbúðinni, bara fastagestirnir og svo einstaka vínáhugamenn. Að vinna í Vínbúð er ekki ósvipað því að vinna á sjúkrahúsi, eða á læknastofu. Það er ákveðinn hópur ólukkufólks, einsog oft er kosið að kalla þau, sem kemur á hverjum degi, stundum oft á dag.
Maður fer að finna fyrir ákveðnum tengslum við þessa aðila, og ákveðið samskiptamynstur kemst á. Það er ákveðinn þögull sáttmáli, amk við suma, að við heilsum þeim ekki. Né heldur látum við í ljós að við séum alltaf að hitta þá þarna. fRAMHALD Á MORGUN

Út aftur?

2005-05-31T23:32:00.000Z

"Jæja," var ég farin að hugsa, "þá er þetta ævintýri búið, komin tími til að setjast á skólabekk á ný, og leggja ferðatöskuna á hilluna!"

En lífið er fullt af óvæntum uppákomum, og maður veit aldrei hvar maður mun vera niður settur komandi vikur, mánuði eða ár.
Ég fór í gær í Pool með Siggu, sálarsystur og sam-Holbækara, en Pool var eitt af því sem við gerðum til að gleyma stað og stund í óbærilegum léttleika tilverunnar (góð bók, mæli með Milan Kundera) í Danaveldi.
Þar hristi hún allsvakalega upp í annars ákveðninni framtíðarsýn minni, amk næsta árið. Málið er að við höfum verið að velta því fyrir okkur að flytjast kannski saman að heiman, annaðhvort hér heima eða Århus, og nú síðast Berlín, en þá kom hún með þá hugmynd að frysta það. Ástæðan; til að fara í sjálfboðastarf til Suður-Ameríku. Forsagan í stuttu máli er sú að við höfum sameiginlegan, brennandi, áhuga á umhverfinu, og samfélagsmálum að stórum hluta, og því að vilja gera gagn. Við vorum með plön um að koma heim og gangsetja áhugahóp um að auka vitneskju fólks um Sanngjarna Verslun (fair trade), auk þess að aðstoða við að auglýsa vörurnar og koma þeim á markað (erum samt að vinna í því, áhugasamir hafi samband).
En afhverju ekki að prófa að fá smá alvöru reynslu í því, sjá hvað það er sem maður ætlar að berjast fyrir, sjá lifnaðarhætti fólksins sem maður er að tala um, upplifa aðra þjóðfélagshætti, sjá hvernig þetta fólk lítur út, kynnast því, lifa með því, hvort sem um er að ræða á sveitabýli, stórborg, eða jafnvel dýragarði.
Fyrst hugsaði ég "góð hugmynd, en þetta er ekki rétti tíminn fyrir mig", en svo varð mér eiginlega ljóst, að þetta er alveg jafngóður tími og hver annar, jafnvel betri. Þá fresta ég náminu um ár, auðveldara en að fara á miðjum námsferlinum til að mynda. Svo er stundum bara gott að framkvæma bara, í stað þess að stoppa sig alltaf af vegna hræðslu.

Erum að melta þetta, en ég hef ágætis tilfinningu fyrir þessu.
Skál fyrir lífinu, og hugrekkinu til að lifa því!

PS: svo er ég líka komin með nýja klippingu, þetta er bara allt að smella!

MYndir!

2005-05-24T21:18:00.000Z

Þessar myndir hér að neðan eru frá einni af Köbenferðum okkar stelpnanna.
Er ekki búin að vera dugleg við að blogga, svo ég vona að þetta bæti það upp, en einsog sagt er, segja myndir meira en þúsund orð;)

Ætla að fara að horfa á Seabiscuit...

2005-05-24T18:51:00.000Z

Og þarna sváfum við Bergþóra og Freydís... þvermálið er umþaðbil einn og hálfur meter...

2005-05-24T18:50:00.000Z

Á Moose bar

2005-05-24T18:49:00.000Z

Orðnar vel hressar

2005-05-24T18:48:00.000Z

mjög emótjonal kvöld

2005-05-24T18:47:00.000Z

sætar á skrallinu

2005-05-24T18:46:00.001Z

ú beíbí

2005-05-24T18:46:00.000Z

Við Bergur, Bergþóra og Frissa í fótósession

2005-05-24T18:45:00.000Z

Sigga skúffuð

2005-05-24T18:44:00.000Z

rétt fyrir köbenferð, úti á palli

2005-05-24T18:43:00.000Z

frá sýningunni

Fjandans forkeppni!!!

2005-05-19T21:20:00.000Z

Ég var að standa upp frá því að horfa á þessa ÖMURLEGU forkeppni, þar sem hún Selma datt út, ALLT útaf AUSTANTJALDSPÓLITÍK!!!!!
Tókuð þið ekki eftir hvaða lönd það voru sem komust áfram!!!
Þetta er hneyksli. It's a scandal, I tell you, A SCANDAL!!!
Ég er alveg rosalega reið, og örugglega allir þeir sem voru búnir að plana júróvision partý á laugardag, þar fór það djamm.
Ég votta Selmu og co. mína samúð, þær stóðu sig alveg frábærlega (lagið hefði mátt verið frumlegra þó) og hefðu átt skilið að komast áfram.

Einsog Óskar frændi segir: "þetta suckaði feitt!"

Frk. Hundfúl

Kvikmyndir og kaffitár

2005-05-17T00:08:00.000Z

Jæja, var að koma úr bíói með Tryggva frænda, fórum á Mary full of grace, virkilega góð mynd, og ekki eyðilagði að við vorum bara 2 í salnum, svo við gátum alveg spjallað fullt um myndina meðan á henni stóð... fantastico!
Myndin fjallar um unga stelpu frá Kólumbíu sem ákveður að gerast burðardýr fyrir eiturlyf, eftir að hún varð ólétt, til að geta lifað betra lífi.
Langar líka mjög til að sjá Vera Drake og Motorcycle Diaries, en það eina sem stendur milli mín og þeirra eru peningar...þeas mikill skortur á þeim.

Skellti mér svo niður í miðbæ Reykjavíkur með Írisi vinkonu, þar sem við skelltum í okkur kaffisopa og röltum um í sólskininu, þetta veður er alveg yndislegt, maður finnur bara jákvæðnina hellast yfir mann!

Svo er Eurotrashion eftir nokkra daga, jei!

Bibba Björns

Nýtt upphaf og fl.

2005-05-14T22:01:00.000Z

Rosalega er ég búin að vera eitthvað out of it frá því að ég kom heim!
Er varla búin að hafa neitt samband við marga vini mína (biðst innilegrar afsökunar, taki til sín sem eiga..) fékk síðan vinnu í ríkinu í Hafnarfirði, og vann þar í gær og dag dáldið mikið, sjáum til hvernig þetta fer...
En ég fór í bíó með litla bróður mínum, fórum að sjá The Hitchikers Guide to the Galaxy, og þetta voru engin SMÁ vonbrigði!! Ég er sko orðin samvaxinn þessari bók, það er helst hægt að líkja sambandi okkar við on/off hjónaband, þar sem ég hef hana alltaf með mér, og hef gluggað í hana amk í hverjum mánuði síðustu, ja, ætli það sé ekki að koma hátt í 6 ár!
Það var bara engin orka í leikurunum, þessi yndislega kaldhæðni hans Douglas Adams komst ekki í gegn, svo þegar upp er staðið var myndin bara leiðinlegt dæmi um hvernig á EKKI að gera mynd eftir HGTTG, ég stend ennþá á því að Monty Python gengið væri langbest til þess fallið að gera þessa mynd...
Mæli sumsé ekki með henni.
Er á leiðinni út með Írisi og Sigríði í kvöld, fyrsta bæjarferðin mín í 4 mánuði.. ætti að verða áhugavert.
Ég er ekki búin að vera nógu dugleg við að blogga, en ætla mér að hafa þetta aðeins innihaldsríkara hér eftir en það var í Danmörku, þar sem ég virtist hafa verið algjörlega persónuleikasnauð og veruleikafirrt. NO MORE I TELL YOU, NO MORE!!!!

bæ í bili,
Bibba Chomsky

Komin heim!

2005-05-11T17:34:00.000Z

Lenti á íslenskri grund fyrir örfáum tímum síðan.
Skrifa um ævintýri mín í Ungverjalandi bráðum.
Igen?
Auf Wiedersehen!

Bryndís

2005-04-27T14:36:00.000Z

Þetta er plakatið fyrir komandi plötu mína, Gutter, undir nýju listamannsnafni, Baby Jay

Tonight, tonight

2005-04-25T15:59:00.000Z

Núna er ennþá minna eftir! Í gær var síðasti sunnudagurinn, í dag síðasti mánudagurinn osfrv...
Annars er það í fréttum að íslenskur dverghamstur flaug til Danaveldis á föstudag, og með í för var enginn önnur en Sigríður fyrrum Holbækingur! Hún er nú að þreyta inntökupróf í hinum virta Danske Designskole...sendið henni endilega baráttuhugboð..eða e-mail (sigridasa@hotmail.com)
Henni til heiðurs var heillar helgar standandi gleðskapur, með dansiballi og öllu tilheyrandi. Það setti hinsvegar leiðinlegan svip á föstudagskvöldið, að einhver hellti bjór á ibook tölvuna í tónlistarherberginu, með þeim afleiðingum að hún eyðilagðist, og á henni var m.a. mín tónlist... flest mitt er afturbætanlegt, en hef bara 3 daga núna til að taka 3 lög upp aftur og ferdiggöra þau... shiiiiiit...
Ég er í þessu að fara að grilla með grænu fjölskyldunni minni, við Sigga fórum í Super Brugsen með flöskur og keyptum okkur kjúlla til að grilla og gos. Það er megasól og hiti út, svo þetta ætti að verða gaman.
Það var líka mjög skemmtileg stemning um helgina, á laugardag var síðasta stóra festið, og þemað var norræn goðafræði, mín fjölskylda var guðir og gyðjur (að sjálfsögðu). Fyrst um kl 5 var farið bakvið hús og þar þreyttir gamaldags leikir, einsog reipitog og fleira víkingalegt. Svo var matur inni í Lysesal, en allir áttu að tálga sína eigin skeið fyrir tilefnið, og í forrétt var súpa sem við notuðum einmitt þessa skeið til að borða.. restin, lambalæri og steikt grænmeti ofl, var borðað með puttunum af trékubb, með stóru salatblaði á. Síðan var dansað og kveikt bál fyrir utan, þar sem maður gat grillað sér Snörebröd, deig sem maður setur á spýtu...
En ég lofa að blogga amk einu sinni enn fyrir laugardag, en þá fer ég héðan....(blendnar tilfinningar...sniff...)
OG SVO KEM ÉG HEIM 11 MAÍ!! Jei, þá verður sko gleðskapur, grill og vesen...

Au revoir
Baby Jay

Sigið á síðasta...

2005-04-20T14:25:00.000Z

Þá er bara rúm vika eftir af dvöl minni hér í Danaveldi...úff...
Aðeins farin að verða stressuð, þar sem ég er búin að ýta endalaust mörgum hlutum á undan mér, og hef núna mjög tæpan tíma til stefnu.
Síðan er ég að fara til Ungverjalands í viku áður en ég kem heim, vúhú!!
Er að farað hitta ömmu og afa þar, og við erum að plana fullt af túrista-skoðunarferðum og gjörðum.
Hlakka samt alveg ROOOSALEGA til að koma heim!!!
Vara ykkur við að ég er orðin alveg svakalega mikill listamaður..

Sjáumst síðar,
Bibba Warhol

2005-04-18T10:57:00.000Z

I looove you- quote from Mr. Wonderful

2005-04-18T10:54:00.000Z

Flott mynd af Freud kaffinu

Listin að gera einhvern öfundsjúkan

2005-04-16T20:17:00.000Z

Ég er að fara til Ungverjalands eftir 2 vikur!
Ég skrifaði smá texta um daginn sem ég ætlaði mér ekkert með, bara var að láta hugann reika á blað einsog gerist stundum, en svo var ég að gera lag með einungis röddum (verkið heitir Vísur að Vestan..draugalegt...úúú) og vantaði texta til að lesa upp. Þá bara mundi ég eftir honum og Voilá! ..vær'sgo'..
(Athugið, höfundur ber enga ábyrgð á afleiðingum textaaflestrarins, og öll tengd atvik eru algjörlega ótengdar og tilviljunarkenndar, greinin getur átt við bæði kyn, þar sem kyn er tekið fram er það af óráðsettum hugi gert og ekki ætlað að vera niðrandi við kynverur af neinum kynjum)

Listin bakvið það:
Að Gera Einhvern Öfundsjúkan

Listin bakvid það að gera einhvern öfundsjúkan, hvort þá heldur fyrrverandi eða bara þann sem maður náði ekki í, er að lifa frábæru lífi, og umfram allt líta frábærlega út.
Áhrifaríkasta sparkið í rassinn, vilji maður grennast, er að lenda í ástarsorg.
Fyrst er grátið, en síðan brýst reiðin út.
Þrjóskan verður átsýkinni yfirsterkari, og fyrr en varir er maður komin góða leið til sjálfsfullkomnunar, a.m.k. líkamlega séð.
Þegar útlitið er orðið svo gott að fegursta gyðja félli í skugga manns, þá er að vinna í persónunni.
Maðurinn, sem þessi óbeina árás beinist að, er ómerkilegur og ekki átaksins virði... nema að því leitinu til að gera honum það að eilífu ljóst hverju hann missti af.
Nauðsynlegt er að einbeita sér að frama, hvort heldur er á sviði náms eða starfs, og áhugamálum.
Öll manns orka fer í þessi efni, karlmenn eru tilfallandi, og fá bara þann tíma sem er ónothæfur í önnur og betri störf.
Þá er að gera sér grein fyrir því að maður er sjálfum sér nóg.
Við þurfum ekki á karlmönnum að halda, sérstaklega ekki sjálfkynhneigðum orkusugum, sem gefa okkur einungis leifar af ástúð og umhyggju og ekki vott af tillitsemi.
Við höfum ánægju af karlmönnum, en við þörfnumst þeirra ekki.
Hvað vilt þú sjálf?
Hverju hefur þú áhuga á?
Hver er þinn metnaður?
Að losna undan karlmannsfíkn manns er alveg eins og að hætta að reykja.
Maður heldur að maður geti ekki lifað án þeirra, maður fær sér eina hvernig sem viðrar, stendur í 15 gráðu frosti og hagléli úti í snjónum bara til að reykja, maður veit að þær eru skaðlegar heilsu manns, og gætu jafnvel leitt mann til dauða.
Strax og maður hefur áttað sig á því að maður þarf ekki á þeim að halda, og er búin að losa sig undan fíkninni, þá lítur maður ekki við þeim.
Það sama á við um menn, sem eru óhollir sálarheil manns.

Losnum undan fíkninni í dag, fáðu ókeypis ráð við að hætta, hringdu núna.

Fin.Endir.Búið.Stop

Dr. Phil (Bibbman)

Hvernig á að...

2005-04-15T09:15:00.000Z

Þá eru bara 2 vikur eftir af dvöl minni í Danaveldi!
Ég er með dálítið blendnar tilfinningar af þessu tilefni... hlakka mjög til að komast heim, því maður er orðin dáldið þreyttur á að vera alltaf í skólanum, en á hinn bóginn þá gefst manni tækifæri til að víkka út þekkingu sína á allskonar listgreinum, og maður getur eytt öllum sínum tíma í að skapa hvað sem maður vill, og hefur öll tæki og tól til þess!
Upp á síðkastið hef ég verið alveg hugmynda- og metnaðarlaus, en ég fékk þetta líka forláta fótanudd frá Bergþóru í fyrrakvöld, og í gær vaknaði ég bara sem ný manneskja! Að öllu gríni slepptu, þá held ég að þetta hafi verið einhverskonar "ofurnudd", því ég var einsog geðveikingur á öllum hljóðfærunum í gær, tók mig sérstaklega vel út á trommunum, er að íhuga að stefna á frægð og frama á því sviði, verð jafnvel rokkari eða eitthvað... VIVA GRANDMA GRYING!!
Við íslendingastelpurnar erum allar orðnar mjög áhugasamar og metnaðarfullar um að auka þekkingu íslendinga á Sanngjarnri Verslun (slæm þýðing á Fair Trade, endilega koma með einhverja betri..) og erum komnar með nokkrar hugmyndir um hvernig er hægt að gera það. ÉG ítreka, ef einhver hefur áhuga á þessum efnum, eða þekkir til einhverra sem annaðhvort eru að vinna eitthvað í þessu, eða hafa áhuga, að láta okkur vita!
Ég fór með Siggu niðrí Holbæk bæ í gær, og við fórum að athuga hversu mikið af fair trade vörum við gætum fundið í Kvikly, sem er svona Hagkaup þeirra Dönsku, og það kom okkur skemmtilega á óvart að í kaffinu og teinu voru margar tegundir, og á mjög áberandi stað, hinsvegar voru bara til 2 tegundir af súkkulaði, en við keyptum það, og svo einn poka af kaffi sem við gáfum konunum í eldhúsinu.
Úff, ég er að verða of sein í mat...maturmaturmatur!!!

PS: var að lána diska af bókasafninu, og fann disk með Joni Mitchell, sem er sannkallaður kisudiskur, kisur útum allt á honum...og varð þá hugsað til brjáluðu kattarkellingarinnar hennar Annabellu á Íslandinu... mjábu... This song goes out to the catwoman, have a nice day;)

kv. Bibb Dylan

Síður:
www.oxfam.org
www.adbusters.org
www.ptree.co.uk
og svo síðan sem kristín skrifaði í commentinu fyrir neðan.

Ismar og fleiri undarlegir viðhættir

2005-04-11T20:58:00.000Z

Þegar við sátum á hinum fræga Moose Bar átti ég góða stund með pennanum, og bjó til -isma fyrir okkur allar. Ástæðuna fyrir þessu veit ég ekki, fannst þetta bara góð hugmynd á þessum tíma. Here goes:

Bibbismi:

Horfa á björtu hliðarnar, en viðurkenna tilvist hinna dökku. Nota orð fremur en ofbeldi.
Einkennisorð: HÁLFVITI!!!

Sigguismi:

Elskaðu náungann, en hataðu nágrannann, jafnvel meðleigjandann ef leiðinlegur er. Ekki svíkja sjálfan þig með orðum eða gjörðum.
Einkennisorð: Hefurðu hitt þennan!!?! En stóra bróður hans!!?!?!

Frissismi:

Brosið framaní lífið/Um háloftin svífið
fegurð kemur fíflunum til/kynlíf ég vil
Einkennisorð: All you need is Rhyme

Bergþóruismi:

Espa~nol est la vida.
Sannleikurinn er sveigjanlegur -and so am I;)
Ferðalög eru mannsins megin.
Einkennisorð: Me llamo Bergthorina, soy espa~nola.

Þetta var ISMAFLÓÐ 2005!

Getur verið að þetta sé dáldill einkahúmor, þetta var nú gert í hita leiksins. Fannst bara sanngjarnt að sýna ykkur þetta...

What about Russia?

2005-04-08T18:29:00.000Z

Er að lesa mjög áhugaverða bók; inside Putin's Russia, mæli mikið með henni. Í þessu existens crisis sem er í fór ég að hugsa m.a. um Rússland. Hvað veit maður um þetta land? Landið geymir 1/7 af öllu landsvæði jarðarinnar, en samt veit ég ekkert um menninguna þar, fólkið, efnahaginn né neitt annað!
Það eina sem ég veit er að forsetinn heitir Vladimir Pútin.
Það er samt rosalegt hversu spillt landið er, og hve rosalegt bilið er milli ríkra og fátækra. Svo er allir dönsku krakkarnir hérna á skólanum alltaf að væla um hve lítið þeir fá frá ríkinu!
Ég og Freydís höfum verið að velta því fyrir okkur að beita okkur fyrir að koma Fair Trade vörum meira inn á íslandi. Fæstir vita einu sinni hvað það er. Hugmyndin var að koma upp hópi áhugamanna sem, í samstarfi við innflytjenda varanna, byrjaði td. á því að fara á kaffihús og veitingastaði. Þá gæti verið boðið upp á kaffi og súkkulaði sem tekið væri fram að væri fair trade, og fólk gæti valið. Að sjálfsögðu myndum við gera bæklinga og setja upp vefsíðu til að fræða fólk um hvað þetta væri, en ef gengi vel að koma þessu inn á staðina, er strax búið að koma boltanum af stað. Og þá væri bara að halda honum gangandi..
Ef einhver er áhugasamur endilega senda mér mail, ofurkettir@hotmail.com, eða skrifa skilaboð.

Mæli með eftirfarandi síðum:
www.Zmag.org
www.maketradefair.org
www.amnesty.org
www.selavi.dk
www.flickr.com/photos/bibbdylan

Endilega kíkið á þetta

2005-04-04T21:29:00.000Z

Þessi var nýr

2005-04-04T21:21:00.000Z

Freydís á Hvíta Kaffinu

Smitharinn

2005-04-04T20:58:00.000Z

Þá er bara mánuður tilbaka.
Mig langar samt ekkert sérstaklega heim, er reyndar komin í smá tilvistarkreppu, þar sem allar mínar venjur hafa breyst hérna, að mér finnst einsog ég þurfi aðeins að finna mig aftur. Er því aðeins aftur farin að lesa greinar um atburði líðandi stundar, fyrrverandi og núverandi, og fór á bókasafnið og tók bækur um félagsfræði og pólitík í Rússlandi - hef dáldin pælt í því, þar sem þetta er risaland sem er frekar nálægt manni, en maður veit lítið sem ekki neitt um það... hmmm..
Held að ég sé alveg ákveðin í því að byrja í félagsfræðinni. Það var ekkert smá erfitt að velja fag þegar ég var að gera umsóknina fyrir háskólann (í DK), langaði til að velja endalaust margar greinar, var meira ad segja alvarlega byrjuð að pæla í tungumálafræðinni (?linguistics) á tímabili.
Síðan veit ég ekkert hvort eða hvenær ég kem heim! Eða hvað ég á að vinna við!!
Er ekkert byrjuð að pæla í því, þyrfti kannski að sækja um vinnur einhverstaðar eða eitthvað?
Ég væri endilega til í að vinna í sjónvarpi eða útvarpi, eða einhverstaðar með full access to músikk or búkks, jafnvel plötubúð eða bókasafn? Hugmyndir og tilboð óskast!
En ég er komin með Elliott Smith maníu! Ég bara hreinlega elska allt með honum! Ég hafði heyrt nokkur lög og litist vel á síðasta sumar hjá góðum vini, en fór svo að hlusta á meira fyrir nokkrum vikum, og ég get ekki slökkt á honum!!!! Náði að redda mér figure 8 og XO, og svo á Freydís smá líka, en ég er bara heltekinn af honum, er as we speak að dánlóda 2 bestu lögunum að mér finnst, Twilight og Between the bars. Þessi tónlist hefur alveg rosalega sterk tök á mér, þyrfti helst að fara í afvötnun bráðum til að halda geði..
Mæli semsagt með honum.
Hvítt var þemað síðustu helgi á kaffinu, set inn nokkrar hér og svo fleiri á myndasíðuna,
flickr.com/photos/bibbdylan

Bæbæ Blackbird

Mrs Smith

2005-03-28T17:03:00.000Z

Jájájájá

2005-03-28T17:01:00.000Z

Hún tók ekki þátt

2005-03-28T16:57:00.000Z

Ég að vinna bjórleikinn, HAHA!!

2005-03-28T16:56:00.000Z

Nikolaj og Signe...já og við freydís að parti til..

2005-03-28T16:55:00.001Z

Vondi maðurinn gerði það!!

2005-03-28T16:55:00.000Z

Sviðsetning á "Sigga hrasaði"

2005-03-28T16:49:00.000Z

grrr

2005-03-28T16:48:00.000Z

Metnaðurinn alveg að fara með Frissuna

2005-03-28T16:47:00.000Z

Sigga að borða ís, amminamm

Páskakveðja

2005-03-28T16:09:00.000Z

Gleðilega páska öll sömul!
Þetta var alveg geggjað páskafrí, kynntist sumu af fólkinu hérna mikið betur, erum komnar í smá vinahóp, jibbí!
Það var megaþoka á miðvikudag síðasta að mig minnir, og við löbbuðum nokkur niður í bæ, í gegnum skóginn, og sögðum draugasögur, svo fórum við á Underhuset og spiluðum pool (komin með æði, önnur saga...), löbbuðum aftur heim gegnum skóginn og fórum að horfa á The Gathering. Svo var ég með sleepover hjá mér, sigga og freydís gistu, sváfum í uþb 3 tíma og áttum svo að mæta í performance workshop...algjör dauði, svo ég hætti bara í W.S. there and then.
En laugardagurinn var samt bestur, svaf til alveg 11 og það var svo gott veður, heitt og heiðskýrt (er reyndar alltaf þessa dagana) svo við S og F löbbuðum niður að sjó og keyptum ís og fórum svo í bæinn á Underhuset og spiluðum meiri pool. Löbbuðum heim til að ná kvöldmat og svo fór ég bara í smá leti, ætlaði bara að vera inni allt kvöldið, var búin að koma mér fyrir, fyrir framan imbann, og var að horfa á Danmark-Kasakstan (án gríns) þegar dáldið kom uppá sem olli því að ég lagði letina á hilluna og átti bara brilliant djammkvöld. Einhvern veginn komst ég í mjög skrýtinn drykkjuleik, þar sem við vorum úti, skiptum okkur í 2 lið og áttum að hlaupa á hinn enda grassins, drekka flösku af bjór, snúa okkur í 15 hringi og hlaupa til baka. Mér tókst að hlaupa á Poul, með hendina í augað á honum, en það hlaust nú ekki mikill skaði af því, þótt hann vældi eitthvað smá...crybaby!! hahahhaa!!

Annars er það að frétta að ég er bara mjög hamingjusöm, lífið er yndislegt og kemur sífellt á óvart, og allt slæmt ber með sér betri hluti!

Látið ykkur nú líða vel, og muniði það, að það eru gallarnir sem gera ykkur falleg.
Sri "Bibb" Chinmoy

PS: svo set ég inn nokkrar vel valdar myndir til að skemmta ykkur, vúhú!

Berlínarsaga!!

2005-03-20T19:48:00.000Z

Jæja þá er komið að Berlínarferðasögu!
Ég var nefninlega svo klár að skrifa litlar “ferðaglósur” meðan á dvöl minni stóð, til að gleyma ekki og svona, en samt ekki nógu klár til að koma þeim yfir á tölvuna þegar heim var komið... og geri ég mér grein fyrir að því er eintómur slugsahætti og almennri leti um að kenna!
En batnandi manni er osfrv...

Svo við byrjum nú á fimmtudeginum (helmingur lesenda þegar sofnaður)
Tókst með herkjum að vakna klukkan sjö til að ná morgunmatnum, þar sem rútan fór stundvíslega klukkan átta. Ruddi mér leið inn í rútuna um leið og dyrnar voru opnaðar, svo ég næði nú góðu sæti með góðum nágrönnum á þessari löngu leið. Það tókst, eftir smávegis ýtingar og kjaftshögg. Ég hafði hugsað mér að ná einhverjum svefni svo ég yrði nógu hress til að kíkja á klúbbana um kvöldið, en það gekk ekki alveg eftir, því spenningurinn í fólkinu var svo mikill.. kannski hægt að líkja honum við spenningin sem myndast þegar 5 ára barn fær að vaka frameftir í fyrsta skiptið.. fólk var harðákveðið í því að hafa eins mikinn hávaða og skrípalæti sem mögulegt væri.
En það þýðir víst lítið að nöldra yfir því.
Og svo var ferðast í rútunni, og farið yfir á skipið, og farið aftur í rútuna osfrv.. en síðan lentum við í BERLÍN!!!
Ég er á þeirri skoðun að þetta sé flottasta borg í heimi (amk sem ég þekki til, sem er kannski ekki svo mikið þegar ég hugsa um það...) og ég er harðákveðinn í að ferðast þangað aftur í sumar og jafnvel setjast þar að næsta haust.
Ég var í 6 manna herbergi með Fressinum, Siggu og Bergþóru auk 2 ónafngreindra útlendinga;)
Um kvöldið fórum við á sýningu sem náði yfir 5 hæðir um hryðjuverk í Þýskalandi tengdu Ísrael/Palestínu átökunum. Svakaleg sýning, þótt hún væri að mestu leiti á Þýsku.
Löbbuðum nokkur þaðan yfir á lítinn pöbb þar sem við borðuðum og tjilluðum smá.
Og svo, og svo og svo.. (núna eru allir lesendur sofnaðir úr leiðindum, slefandi ofaní lyklaborðið og fá raflost og verða alveg spinnegal...gott á þá, hahahhaaha!!)
Við fylgdum litlum lúnitic sveriger út í nóttina, hún þóttist vita um einhvern voða fancý stað, en þess í stað leiddi hún okkur bara inn í eitthvað dimmt port, þar sem einu hurðirnar voru þær á ruslatunnukofunum, og eina birtan sem var lítil blikkandi ljósapera sem var greinilega við dauðans dyr. Við skulfum í hnjánum af hræðslu og vorum við öllu illu búin, en þá komumst við að því að þetta var ekki masterminded plott hjá litlu píunni (sem ég nú var búin að ímynda mér að væri útsendari Berlínsku mafíunnar) heldur tókum við bara ranga beygju, svona getur nú vitleysan verið!
En þetta var samt alveg ágætur klúbbur, dönsuðum smá ég og Bergþóra, en hengum annars bara með hr. Schapiro (ekki Skarpíó þrátt fyrir víðan miskilning;) vídeókennaranum okkar á barnum, hresst maður..
En svo ég fari ekki svona rosalega djúpt ofan í ferðina, þá var þetta meira svona:
Föstudagur:
6 manneskjur, 1 sturta – gekk samt furðuvel.
Fórum á sýningu í Hamburger Bahnhoff, sem kom hressilega á óvart þegar á staðinn var komið, því ég hélt að H.B. væri aðallestarstöð borgarinnar, og Frissa hélt að það væri Brandenburgarhliðið..en nei, bara risastórt listagallerý (eða hvað það nú kallast..)
Þar var nubblega verið að sýna Flick safnið, mér fannst megnið af þessu bara vera svona “had to be there” art, þ.e.a.s. fullt af drasli útum allt (sjáið fyrir ykkur BYKO á vörutalningadaginn) til að botna eitthvað í verkinu þá hefðirðu: “..had to be there” (svona einsog með fyndnu sögurnar sem ég segi).
En neinei, ég sá alveg helling áhugavert þarna, einsog eplamanninn og konuna...say no more...
Eftirá fundum við þennan yndislega biologischen vegetarisch essen matstað, mæli sterklega með ostastöngunum..
Skemmtilegast fannst mér þó að fara á Jackson Pollock sýninguna í Guggenheim safninu. Þetta var bara lítil sýning, mestmegnis úr sketstunum hans og verkum fyrir frægð hans, BerlínarGuggann er sko minnsta Guggusafnið í heiminum að þeirra sögn...
Ú!! En smá brogg (er þetta orð einu sinni til!!?!) þegar við fórum á tónleikana um kvöldið, með London Symphony (samstarfsverkefni þeirra og Warp Label (Aphex Twin etc)), þá, í hléinu, fengum við að vera fyrstu áhorfendurnir til að sjá nýjasta myndband Chris Cunninghams við lag Aphex Twin (man ekki nafn), megaflott myndband, eins og öll hin myndböndin hans, en mér finnst samt öll myndböndin hans við Aphex Twin lög vera einstaklega góð, betri en hin verkin hans jafnvel...úhú...
Nóg af broggi, (og bloggi?)
Eftirpartýið var ekkert sérstakt, fullt hús af artý-fartý fólki sem voru of uptight til að dansa... en ég dansaði, jáh, ég dansaði sko!!!
Á laugardeginum beiluðum við nokkrir krakkar á hópnum og ákváðum að fara í okkar eigin sight seeing tour. Sól og allt, mega mega maður.
Fundum allskonar gullnámur í hliðargötunum, ég fann þ.á.m. yndislega litla bókabúð þar sem ég keypti mér 6 bækur. Afgreiðslugaurinn var algjört æði, lenti í æðislegum samræðum við hann um bækur, heimsmál, Noam Chomsky og ferðalög... hann er einn af þessum manneskjum sem þú hittir í stutta stund, og svo aldrei aftur, en munt aldrei gleyma, yndislegt
Ú! Svo hittum við frægan svía í metróinu, held að hann heiti Karl-Einar Heckner eða eitthvað álíka, ég fékk eitt af mínum frægu blackoutum, þar sem ég bara datt út, og þegar ég kom aftur til meðvitundar var hann að segja eitthvað við Freydísi, ég hélt bara að þetta væri einhver þýskur lúnitic að bothera þau...en nei, svona getur maður haft rangt fyrir sér, allir svíarnir ekkert smá glaðir, hringdu allir í vini sína og sögðust hafa hitt hann...hehe....
Eftir langan dag nenntum við ekki neinu restaurantstandi og létum okkur nægja ekta Berlínskan Döner..
Þremenningadjammið um kvöldið, og veðmálið sem fylgdi því er sér kapítuli útaf fyrir sig sem kemur kannski seinna.

Annars er það af mér að frétta að ég er að verða búin með vídjóin mín, búin með 2, hin 2 næstum búin, mjög sátt við þau, sýni eitt vídjó sem installation (innsetning) á morgun...
Svo er búið að vera sól og hiti síðustu daga, í gær og dag vaknaði ég og fór beint útá pallinn við Maleríið í stuttermabol með uppbrettar buxur, svo eruð þið að monta ykkur yfir veðrinu!!!
Komin með krampa í puttana, læt þetta nægja að sinni, lofa að verða duglegri í framhaldinu.

Bibba Coppola

2005-03-08T19:42:00.000Z

Á gangi í BERLÍN!!!

2005-03-08T19:40:00.000Z

Freydís og Alex hinn snjalli

2005-03-08T19:39:00.000Z

Marcus Þjóðverji og ykkar háttvirt

Nýjar myndir!

2005-03-08T19:19:00.000Z

Jess!! ÉG er búin að setja nýjar myndir inn á myndasíðuna hina síðari, það er:
flickr.com/photos/bibbdylan

Svo er ég með mun fleiri sem ég mun vísa á næstunni

Nýjar myndir!!

2005-03-08T19:17:00.000Z

Jess! Búin að setja inn myndir á myndasíðuna mína hina síðari, það er :
flickr.com/photos/bibbdylan

Endilega skoða, er með mun fleiri myndir sem ég mun vísa á næstunni!

2005-03-07T18:15:00.000Z

Íslendingarnir í Holbæk, leggjum okkur fram við að gefa sem besta mynd af íslendingum

2005-03-07T18:10:00.000Z

Flipp dag fyrir Berlin

Berlin ist wunderschön!!

2005-03-07T18:06:00.000Z

ÉG er komin heim!!
En mig langar ekki:( Berlín er einn skemmtilegasti staður sem ég hef nokkurntímann komið á. Strax og ég steig úr rútunni fékk ég svona ánægju- og kunnugleikastrauma um mig, einsog ég hefði búið þarna áður eða eitthvað..
Ég var sniðug og skrifaði niður megnið af ferðasögunni svo ég myndi ekki gleyma öllu þegar kæmi að því að blogga. Hinsvegar sökum þreytu og tímaleysis ætla ég að geyma það til morguns.
PS: svo dreymdi mig áðan að ég væri á Kanarí eyjum...skrýtið..

2005-03-02T14:27:00.000Z

Andstæður, voða klisja, samt sætt:)

2005-03-02T14:20:00.000Z

Berlin, here I come!

Berlín!!

2005-03-01T18:42:00.000Z

Þá er mér næstum runnin reiðin frá tölvuinsidentinu um daginn, svo ég get ritað nokkur orð.
Ég er alveg ömurlegur bloggari!
Til að blogga þá þarf ég alltaf að taka tölvuna mína með mér í tölvuherbergið og þegar maður hefur bara um klukkutíma milli tíma og svona þá er maður ekki alveg að nenna því...
ÉG er að fara til Berlínar á fimmtudaginn!!!
Vá hvað það verður gaman! Vorum að tala við Kvikmyndunarkennarann okkar í gær og hann var að segja okkur frá allskonar sniðugur og furðulegum stöðum sem við gætum farið á, til dæmis veitingahús sem er algjörlega blindur, blindir þjónar og kokkar og allir starfsmenn, slökkt ljós og live tónlist...mjög spes..
Er á fullu að filma fyrir tímann, ég og Bergþóra erum búnar að binda okkur saman í því, vorum að gera mynd um líkamann, klippum það í kvöld og morgun ef við náum.
Núna er ég að fara á fund útaf ferðinni okkar, og svo kaffi og kökur og svo dansmynd fyrir danstímann sem ég er í.

skrifa meira seinna,
Ciao Bella!

ANDSKOTINN!!!

2005-02-21T14:51:00.000Z

ég var að enda við að skrifa endalaust langt blogg, en svo þegar ég ætlaði að publisha, þá bara hvarf það!!!!
Ég er svo pirruð núna að ég gæti hent tölvunni útum gluggann, svo ég geymi smá að blogga meðan mér rennur reiðin.

2005-02-21T13:52:00.000Z

Og annar hluti af lokaverkefninu

2005-02-21T13:51:00.000Z

hluti af lokaverkefninu mínu í digital fótó

2005-02-21T13:47:00.000Z

hluti af myndasögunni minni, af sýningu hjá okkur í teiknimyndasögutímanumm

2005-02-21T13:44:00.000Z

MADS!!!! værs'go Sigga mín;)

Vegna gríðarlegrar eftirspurnar...

2005-02-16T14:16:00.000Z

...rita ég hér fáeinar línur.

Lesendahópur minn (sem brátt fer að mynda hálfan tug!), hefur þurft að bíða of lengi eftir gullnum orðum mínum, bið ég hann hérmeð að afsaka það....:(
En það er nóg að gerast, eyði flestum mínum dögum núna í að klára lokaverkefnið mitt í digital fótó. Þetta tekur bara svo langan tíma!!!
Ég er búin að vera frá því kl 10 í morgun (núna er klukkan hálf 4..) bara að velja myndir og setja inn texta!!!
Sem BETUR fer er ég með eigin tölvu og eitursniðugan geymslukubb, sem færir dótið milli fluggáfaða PC lappans míns og nautheimsku Maccanna í tölvustofunni, ég sver að ef ég væri ekki með svona miklar stubbahendur, þá myndi ég kyrkja þær!!!
Stupid computers!!
Innlendingarnir eru ekki að skilja húmorinn okkar. Við erum búnar að verað reyta af okkur brandarana síðustu daga, en fáum bara svona tóm svipbrigði, einsog þau viti bara ekki neitt!!
T.d. Næstu helgi er stórt fest, þemað er sirkus, og við eigum að vera með "klón"* í okkar atriði, ég sagðist bara ætla að mæta sem rolla og segja fólki að kalla mig Dollý, stelpurnar (íslensku) sprungu úr hlátri, meðan hitt fólkið bara horfði þessum skilningslausu vorkunnaraugum á okkur!
Þá fór ég að pæla, að áhorfendur skipta öllu máli þegar kemur að fyndni. Þótt einhver sér ÓGEÐSLEGA fyndin, þá er hann ekkert fyndin ef enginn hlær!
Tökum mig sem dæmi; Sigga og Freydís hlæja alltaf að mér, og mér líður einsog ég sé a.m.k. frekar fyndin manneskja, en þegar ég reiti af mér nokkra vel valda fyrir framan skandinavíana, líður mér bara einsog fávita!
Þessvegna erum við búnar að ákveða að, í stað þess að láta þá drepa niður metnaðinn okkar, gera okkur bara grein fyrir að þetta eru húmorslausar krumpur. Áfram Ísland, Þríhöfði er mættur í Pönnukökulandið!!!

Alltaf sama vesenið með myndasíðuna, heremy vill ekki taka við myndunum mínum, og ég er búin með kvótann á flickr... er að reyna að finna aðra leið, get sett eina og eina hérna inn á bloggið...

Dáldið seint, en: Gleðilegan Valentínusardag!!! Ég fékk mjög rómantískt og fallegt kort frá Freydísi.. farin að efast um eðli tilfinninga hennar gagnvart mér...

Verð að farað prenta út...
Bibb

*"klón" er trúður á dönsku...

2005-02-10T14:16:00.000Z

sólsetur

Ég átti afmæl'í gær, átti afmæl'í gær, átti trallalalalal...!

2005-02-09T11:54:00.000Z

Góðan daginn!

Ég hélt upp á afmælið mitt í Danmörku í dag, fyrsta sinn sem ég er ekki með fjölskyldunni minni... en ég var með litlu fjölskyldunni minni, þeim Siggu og Freydísi:)
Þær voru alveg yndislegar við mig, bönkuðu uppá hjá mér kl. 8 um morguninn, voru með köku með kerti á og kanilsnúða, svo djús og gjafir!
Ég fékk svo flottar gjafir! Buxur, peysu, brúnkukrem, hárdót og plöntu frá Freydísi og Siggu, Mugison diskinn (sem er nota bene brilliant) frá Röggu, tösku og Nýtt Líf blað frá frænku og frænda, og fl. gúmmelaði:)
Svo þegar ég kom í hádegismatinn, þá stóð Marie norska alltíeinu upp og 65 danir og svíar fóru að syngja íslenska afmælissönginn!!! Þá hafði hún lært hann og kennt þeim öllum fyrir matinn.. mér leið bara einsog heima á jöklinum:o)
En þar sem Sigga var veik þá skelltum við okkur 2, ég og Frissa, niður í bæ, fórum á kaffihús og smá í H&M...
Við ætlum að fara næsta laugardag til Köben og halda almennilega uppá afmælið, fara út að borða og á e-a staði, búnar að fá lánaða íbúð og allt, jeijeijei!!!

Ég er á fullu að gera lokaverkefnið mitt fyrir Digital Fótó tímann minn, máttum velja hvað sem var, og mér datt í hug að gera litlar "smásögur", þ.e. að taka nokkrar litlar myndaseríur, og gera texta við þær, svona einsog ljóðatexta, sem felur í sér hint af sögu, svo fólk geti ímyndað sér hvað sé að gerast. Er búin að taka myndira af sólsetri, einmana bolta og eitthvað fleira, set nokkrar inn á eftir.
Ég er búin að setja fullt af myndum inná myndasíðuna, en ætla að setja fleiri myndir inn sem ég hef tekið í sambandi við námið og af náttúrunni og svona... vúhú!

Meira seinna,
Bibbaló

Nýjar myndir!!

2005-02-07T14:10:00.000Z

Það eru komnar nýjar myndir, reyndar frá síðustu helgi (eða þarsiðustu?)

flickr.com/photos/bibbdylan

vei!

Heimt úr helju!

2005-02-07T13:15:00.000Z

Jukk!

Nú er ég að komast uppúr lengstu og leiðinlegustu veikindum sem ég man eftir!
Ég byrjaði að vera veik á fimmtudaginn, varð mun veikari á föstudag, gleypti samt tonn af vítamínum og verkjatöflum sem ég skolaði niður með ómældu magni af kaffi og Bailey's, klæddi mig upp sem tröll og skrallaði á kafféinu miklu lengur en ég átti að gera! Og þetta gerði ég með hita og næstum raddlaus af hálsbólgu... sem olli því að sjálfsögðu að ég var með óráði á laugardeginum, ekkert þunn, drakk eiginlega ekki neitt (nema kaffi og baileys...) en með hita og leiðindi, en ég komst ekki til Köben að hitta Röggu kisuling:(
Helgin mín fór semsagt í það að liggja...
En Sigga og Freydís voru svo endalaust góðar við mig!!
Freydís var alltaf að koma með vítamín og fleira gott fyrir mig, og morgunmat og svona, og Sigga bjó til killer te, með einhverjum veikindajurtum og tonni af hvítlauk, ég fann náttúrulega ekkert bragð af því, né lykt... en þetta var það sterkt að ALLT húsið okkar stinkar enn af hvítlauk, og ég drakk þetta á laugardagsmorgunin...úfff....

Ég var að fá fyrsta afmælispakkann minn sendan frá Íslandi!! vúhú!!
Ætla samt ekki að opna hann fyrr en á morgun..má ekki svindla þótt ég sé í útlandinu...

News

2005-02-03T19:11:00.000Z

Ég er með góðar fréttir og slæmar fréttir:

Góðar fréttir: Ég fann símann minn!!!! Djöfuls snilld, hringdi á staðinn áðan, því hann er bara opin sjaldan, og gellan bara "já, síminn er hérna, hejhej"
Keypti mér samt nýtt símakort í dag, svo núna er ég með 2 síma...eins gott að ég er svona vinsæl maður!

Slæmar fréttir: Ég er orðin veik:( og á versta tíma, því ég er að vinna í stóru verkefni, klippa documentary sem við Freydís gerðum, og svo er fest á morgun...
Aumingja ég...:(

En Ragga Kettlingur kemur um helgina með tender love and care frá Íslandi, svo þá batnar mér, þá ætla ég líka að halda upp á afmælið mitt!!!

more later

2005-01-31T18:59:00.000Z

Troels og ég

2005-01-31T18:58:00.000Z

Ég fyrir laugardagskvöldið

2005-01-31T18:57:00.000Z

Freydís og Anders

2005-01-31T18:56:00.000Z

Justine

Ömurlegur sunnudagur!

2005-01-30T11:41:00.000Z

Ég ætla aldrei aftur að fara niður í Holbæk bæ að djamma.
Ég fór þangað með nokkrum krökkum úr skólanum og það var sko EKKI gaman!!
Ég týndi símanum mínum og húkkaði vinkonu mína óvart upp með trúlega misheppnaðasta gaur í danmörku! Hvað á ég núna að gera símalaus! Ég ætla að prófað hringja á "skemmtistaðinn" sem við vorum á, kannski er ég heppnasti útlendingurinn í Danmörku og einhver hefur fundið hann á gólfinu og verið svo indæll að skilja hann eftir á barnum!?...

Búhúhú...
Ég ætla að liggja í allan dag og horfa á The Incredibles!!

Myndasíðan

2005-01-28T16:32:00.000Z

minni á nýju myndasíðuna mína... flickr.com/photos/bibbdylan
Er búin með skammtinn fyrir mánuðinn, en bæti inn á fyrsta degi febrúarmánaðar!!
kv. Bryndís

2005-01-27T19:39:00.000Z

collage

2005-01-25T19:55:00.000Z

Ég sé RAAAAAUUUUUTT!!!

ACHTUNG!!!

2005-01-25T19:35:00.000Z

Það er samsæri í gangi hér í Danmörku...gegn mér!!
Ég vissi að vatnið væri flúorbætt, en þetta datt mér aldrei í hug, að danska ríkisstjórnin myndi reyna að eitra fyrir mér!!
Ekki veit ég nákvæmlega hvað sett er í vatnið, en það er ekki langt síðan ég áttaði mig á þessu...

... Málið er að ég fór að finna fyrir breytingum á sjálfri mér, fór að kaupa mér öðruvísi föt, setti á mig öðruvísi svipi, talaði öðruvísi og var farin að jaðra við klikkóismann... svo flippaði ég algjörlega í gærkvöldi, ég fór í einhverskonar trans, vissi ekki hver ég var, hvar ég væri eða hvað ég væri!!!
Ég sé Freydísi og Siggu möndlast í kringum mig, en datt aftur út...svo rankaði ég við mér þegar ég var í matsalnum að næla mér í kvöldmat og tók eftir að allir voru að horfa á mig!!!
Mér varð litið á endurvarp mitt frá útiglugganum og þá duttu mér allar dauðar, ég var orðin eeeeeeld rauðhærð!!!

Ég er alveg viss um það að þetta hafi verið plott til að láta mig ganga í Rússneska stjórnarliðsherinn, því þeir og Flödebollurnar í Danaveldi eru víst að undirbúa sameiginlega heimsyfirtöku, og þá verður ekkert annað en kartöflumús og vodka fyrir heimsbúana!!!!! NNNNNEEEEEIIII!!!!!!

Ég er að undirbúa gagnárás... leyfi ykkur að fylgjast með...

Bibb Dylan - totally gone mad!!

Ævintýri helgarinnar

2005-01-24T13:41:00.000Z

Jæja, þá er komin mánudagur og helgin búin.
Einsog ég sagði þá var planið að fara til Köben á laugardaginn, og viti menn, það gekk eftir!
Héldum uppi vananum og vöknuðum kl 8 á laugardagsmorgninum, bjuggum okkur til madpakke og hlupum niðurá strætóstöð.
Það tekur alveg lúmskt langan tíma að komast héðan til Köben, svo við vorum ekki komnar fyrr en um hálftólf!
En við nýttum tímann vel, ég missti mig alveg á útsölunum, Vero Moda og H&M urðu sérstaklega fyrir barðinu á kaupæðinu mínu, en ég keypti mér líka ný stígvél! Bleik og svört og allt!
Ég held að við höfum gengið Köben þvera og endilanga í þessari ferð, er ennþá með verki í fótleggjunum!
Eftir 5 tíma shopping spree, fylltum við okkur upp af eldsneyti og skelltum okkur í bíóhús, fórum á mynd sem heitir Closer og skartar engum öðrum en Jude Law í aðalhlutverki.. það virðist vera að koma ný gerð af myndum núna, svona svik og prettir og engin endar hamingjusamur. Myndin minnti mig dáldið á aðra mynd sem ég sá á Bandarísku indý hátíðinni sem heitir the Shape of Things... fannst hún samt virkilega góð, sýnir manni bara að maður á ekkert alltof mikið að verað treysta fólki, orð eru einskisnýt og merkingarlaus!

En við enduðum að sjálfsögðu á skrallinu, hittum nokkra krakka úr skólanum og Bjarna, vin Freydísar. Síðan enduðum við á einhverjum voða hip hop stað með aðeins of mikið af rappara wannabe-um!
Samt virkilega gaman, en við vorum búnar að missa af lestinni svo það var annaðhvort að djamma til hálfátta eða gista hjá Carl sem býr í Valby... ákváðum að eyða síðustu tímunum í að hanga, sem var virkilega gaman, komum við í 7/11 á leiðinni á Hovedbanegaard og keyptum okkur Haagen Dazs ís og nammi.. namminamminamm
En síðasti einn og hálfur klukkutími var endalaust lengi að líða!!!
Ég hélt að við myndum aldrei komast heim, svo loksins þegar lestin var komin og ég sest í sætið, þá sofnaði ég, vaknaði samt sem betur fer rétt áður en við vorum komin til Holbæk, og þurftum þá að bíða eftir taxa!
Ég held að ég hafi sjaldan verið jafn ánægð með að sjá rúmið mitt, svaf framað kvöldmat, kíkti aðeins á kaffihúsið, en fór svo strax aftur í rúmið...sooooooofa!!!

Þykir leiðinlegt ef þetta blogg mitt var leiðinlegt, en það er bara því ég er í svo leiðinlegu skapi...

myndirnar sem ég setti hérna fyrir neðan eru úr verkefnum sem ég hef gert í digital fótó tímanum, ég er líka komin með nýja myndasíðu: flickr.com/photos/bibbdylan

enjoy

2005-01-24T13:02:00.000Z

Bibbu óverdós

2005-01-24T12:40:00.000Z

einstaklega skrýtinn maður sem ég bjó til...

2005-01-24T12:38:00.000Z

Verkefni fyrir Digital foto tímann, voða Hollywood drama...

Ekki meiri kartöflumús!!!!

2005-01-19T20:23:00.000Z

Já, ég er ennþá hérna í Danaveldi. Núna er komin ein og hálf vika frá því ég flutti í pönnukökulandið, og strax komin með nett ógeð á: baunaspírum, rauðrófum, furðulegum samblöndum af enn furðulegri mat og síðast en ekki síst KARTÖFLUMÚS!!!!
Ég er ekki að grínast, það er kartöflumús í hvert mál, og kukkenkonurnar eru virkilega byrjaðar að færa sig upp á skaftið, því í dag var ekki matur with a sidedish of kartöflumús, heldur bara kartöflumús!! For guds skyld, er ekki til neitt annað en kartöflur og baunir í þessu landi!!!
Svo eru alltaf svona furðulegir afgangar í matinn, kaldar fiskhakkbollur, grjónagrautur sem varð að pönnukökum daginn eftir(!) og fleira og fleira... og allt er þetta bragðbætt með hinni títtnefndu kartöflumús!!
Það var einstaklega vondur matur í hádeginu í dag, svo við Sigga og Freydís skunduðum via bus niður í Holbæk bæ, og keyptum okkur ekta tyrkisk kebab og franskar! Lifi skyndibitinn!!

Ótrúlegt hvað ég get talað mikið um mat..
Ég er ekki frá því að ég sé komin með smávegis heimþrá:( Ég sakna allra sem heima sitja, svo fékk ég svo mikla þrá í það í dag að vera bara heima, hringja í einhvern vin minn og fara í bíó eða bíltúr eða eitthvað... bara hanga.. hérna er alveg nóg hangið þannig lagað, en það er svo mikið af nýju fólki og allir tala eitthvað hrognamál sem ég er alveg að reynað tala líka, gengur misjafnlega vel, sænskan er hvað erfiðust, heil þjóð af smámæltum Gollumum!!
I'll get over it, no worries, hef það fínt, er bara að væla, hætt...fullstop.
Þetta er líka bara veðrið, búið að vera skýjað, rigningasamt og ofurþokað...

En yfir í gleðilegri efni! Ég og Freydís erum byrjaðar að fara út að skokka á morgnanna! Við erum núna búnar að fara 2 á 3 dögum, vöknum kl 7 og skríðum framúr rúmunum til að farað sprikla.. ein ástæða þess að ég er að nenna þessu er sú að ég keypti mér hlaupaskó um helgina, og er svo mikil nánös í mér að ég tými því einfaldlega ekki að nota þá ekki, ég hugsa í hverju skrefi hversu mikið ég sé að fá fyrir peningana!.. Sé svo að sjálfsögðu fram á flatan maga og einstaklega harðan rass þegar ég kem heim;)

Fer til Köben á laugardaginn, ekki alveg viss hvað ég er að farað gera, en ég heyrði eitthvað um íslenskan vin Freydísar og pöbbarölt, hljómar einsog gúddsjitt kvöld!
Er búin að setja upp nýja myndasíðu, ekki búin að setja inn myndirnar enn, geri það asap! Segi líka adressuna þá...

PS: gerði mína eigin teiknimyndaofurhetju í myndasögutímanum í dag... Hann heiti The ToiletpaperMan!!! Set inn teikningar á næstu dögum.

Indtil næste gang,
Bibba Jensen Mortensen Viium

2005-01-17T13:30:00.000Z

Kúrekarnir á Óskarnum

The day after yesterday

2005-01-16T15:40:00.000Z

Þá er ég næstum komin á fætur eftir viðburði gærkvöldsins.
Mín fjölskylda undirbjó svona Óskarsverðlaunaafhendingu, gerðum boðskort, skiptum hinum 3 fjölskyldunum upp í kvikmyndahópa, einn splatter, einn kúrekamynda og einn science fiction.. skreyttum svo borðin eftir því (sýni myndir af því á eftir..)

Vaknaði klukkan 8 í gærmorgun, nota bene eini dagurinn í allri vikunni sem ég vaknaði fyrir hádegi!!! og það var laugardagur!!!
Málið var að ég ætlaði að fara með nokkrum öðrum í bæinn til að kaupa inn nauðsynjavörur; handklæði, hlaupaskó, úlpu, kókosbollur osfrv..
En við áttum að mæta á fjölskyldufund kl 1 til að klára fyrir kvöldið..
Maður sleppir mörgun hlutum, en nauðsynjavöruverslunarferð er ekki ein þeirra, svo við bara bitum í það súra að þurfa að fará fætur, skunduðum svo eiturhress sem leið lá niður í miðbæ Holbæk, tekur svona tæpan hálftíma að labba þetta..
Sem betur fer er búin að vera sól og hlýtt næstum alla vikuna, svo útiveran var bara fín.
Og þetta var bara hin fínasta verslunarferð, fullt af dóti og bilað kort!! Lenti í mestum vandræðum með kortið mitt, engin hraðbanki né verslun vildi taka við því, svo ég varð bara að vera byrði á samferðalöngum mínum og mergsjúga efnaveru þeirra..

Eníveis, þá náðum við að klára alla hlutina fyrir veisluna í gær, geðveikur matur, vorum með bar í aðalhúsinu þar sem við borðuðum svo fólk gat keypt rauð og hvítvín með matnum, svo fórum við nokkur á undan hinum í ljósasalinn, þar sem veislan var, og settum upp ljóskastarana, kveiktum á tónlistinni og myndaklippunum sem voru sett saman fyrir þetta og vorum tilbúin með myndavélarnar, ég og Gulli íslenski vorum fréttaljósmyndarar fyrir veisluna, svo þetta yrði einsog raunveruleg verðlaunahátíð..virkilega gaman og vel heppnað, ef ég næ einhverntímann að bjarga þessu rugli með fótóbloggið mitt, þá set ég þær inn...

Þetta varði langt framundir morgun, ég var alveg rotuð þangað til um hálftvö leytið, þarf núna bráðum að farað klæða mig og koma mér á ról fyrir kaffihúsakvöldið í kvöld...

Later,
B.

2005-01-14T21:22:00.000Z

Christian Slater og vatnspípan í stofunni minni

2005-01-14T21:19:00.000Z

í stofunni hjá okkur... músíkin mín allsráðandi sem fyrr...

Holbæk continued

2005-01-13T18:54:00.000Z

Þá heldur ævintýrið áfram..

Maður er alveg búin að koma sér fyrir hérna, bjóst samt ekki við að það yrði alltaf svona mikið að gera fram á kvöld, þótt það innihaldi oftast herlega öldrykkju...
Fór reyndar snemma að sofa í gær, ákvað að heil vika af svona vitleysu væri ekki sniðug, þar sem það er verkstæds partý í kvöld, föstudagspartý á morgun, stór óskarsverðlaunahátíð á laugardag, og kaffihúsakvöld á sunnudag... for fandet!!
En ég hef það samt mykket godt, frábært að hafa íslenska crewið mitt, einsog við erum kölluð, til að hanga með þegar maður er þreyttur á dönskunni..

En ég er búin að verað reyna setja inn myndirnar, hefur ekki gengið, eitthvað brengl með síðuna mína...sko myndasíðuna; photos.heremy.com/bibbajay... en ég reyni að bjarga því á næstu dögum.

Við íslensku stelpurnar skrópuðum á fyrirlestur í morgun til að fara niður í bæ að versla...híhí.. en það var allt í lagi, því við höfum hvorteðer ekki skilið orð af því sem þessir fyrirlesarar hafa sagt hingað til!! Keypti mér 2 peysur og sokkabuxur og fleira sem er lífsnauðsynlegt að hafa í útlandinu;)

En núna er ég orðin sein í þetta partý, svo ég ætla að kveðja núna, kem aftur eins fljótt og mögulega... verið nú dugleg við að pósta komment:)

Bryndís i udlandet

Komin til Danaveldis!!

2005-01-11T18:34:00.000Z

Hæ ástirnar mínar!
Ég er loksins búin að tengja tölvuna mína við netið, og vegna þess að ALLAR aðrar tölvur en mínar eru kjánabjánar, þá er hún sú eina sem leyfir mér að blogga!!
Ég hef það mjög gott hérna í Holbæk, góður matur, yndislegt fólk, gott veður og yfirallt bara mjög góð stemning!
En ég sakna þeirra sem eru heima mjög mikið, sendi þeim hér með skilyrðislausa ást mína og þúsund kossa!

Það er frá nógu að segja, en eg er að fara í fjölskyldufest, svo ég hef eiginlega ekki tíma til að segja mikið frá því.
Er byrjuð í digital fotografi tíma, sem lítur út fyrir að ætla að vera mjög spennandi. Síðan er ég með mjög gott herbergi, er að vinna í því að gera það heimilislegt, búin að setja upp póstkort á vegginn, bækurnar í gluggasylluna (sem nota bene er nógu stór til að sitja í og hafa það kósý!), styttuna sætu frá Martin á hilluna og så videre..
Síðan er svakalegt félagslíf hérna, gangurinn minn er helsti hittingsstaðurinn, vorum með smá get together thar í gærkvöldi, því við erum með sófa og svona, vorum voða fá fyrst, að sötra hvítvín og svona, en svo fylltist stofan bara og úr varð massapartý langt fram á morgun... það var líka fátt um fína drætti í mætingu framyfir hádegi:/

Gotta run!
Bryndís

Jólin búin?

2004-12-28T01:14:00.000Z

Þetta voru nú stutt jól!
Þar sem ég útskrifaðist 18. des, þá var ég eiginlega ekki að átta mig á að jólin voru að koma fyrr en svona rétt fyrir mat á aðfangadag...
Var voðalega róleg varðandi gjafirnar, áttaði mig á því á Þorláksmessu að ég átti eiginlega eftir að kaupa allar gjafirnar mínar, ég held að ég hafi aldrei verið jafn lítið spennt fyrir jólunum, enginn jólaspenningur, engin tilhlökkun eða jólalaga sing along!
Svo er þetta bara eiginlega búið!
Ég meina, í dag er þriðji í jólum og ég (einsog flestir aðrir nemar) var að vinna á fullu! Það eiginlega eyðileggur jólafílinginn.
Svo er maður að heyra það að fólk sé bara að missa sig í einhverju jóladjammi, gat ekki beðið eftir að staðirnir opnuðu og skriðu útúrdrukknir niðrí bæ, bara svona því það var eitthvað frí í vinnunni, ég er að segja þér það, sumt fólk notar ööööll tækifæri til að djamma!! "frí á morgun, kúl, djömmum!!", "Þorláksmessa, brill maður, djömmum!!"...
Voða jóla/skemmti Skröggur get ég verið!! Ég er alveg að farað ná honum Jim Carrey í jólafýlunni!

Núna eru 11 dagar þangað til ég fer til Danmerkur! úff, ég er bara orðin hálfkvíðin ef ég á að segja einsog er, en það gerist sem gerist, svo ég ætla bara að hafa gaman að þessu, kíki til Köben um helgar og svona;)
Svo kemur Martin heim á morgun / á eftir, og það er líka voða gaman, þá get ég loksins farið á The Incredibles!!!!

Ég ætla bara að slútta þessu núna, er hálf andlaus eitthvað, en hafiði það gott það sem eftir er hátíðanna, og munið að borða kartöflurnar ykkar!

Bryndís Jólaskröggur

Satans Skatan!

2004-12-23T21:10:00.000Z

Í dag borðaði ég skötu. Kæsta skötu. Ég fékk hana hjá langömmu minni.
Vúhú!

En þar með erum við komin inn í umræðuna um íslenskan þjóðarmat.
Einu sinni var það þannig að forfeður okkar og mæður áttu ekki ísskápa, og urðu því að finna aðrar leiðir til að geyma mat.
Þau söltuð'ann, súrsuð'ann, kæst'ann og þurrkuð'ann...en það var ekki í einhverjum gúrmet tilgangi... óónei, allir þeir ellismellir sem ég hef rætt við eru á einu máli um það að þetta voru algjör örþrifaráð sem þeir vilja helst grafa, gleyma og aaaldrei þefa af aftur!
En því er ekki að heilsa...ónei.. Íslendingurinn snjalli ákvað að gera þennan vibba að þjóðarrétti okkar; kæst skata, súrsaðir hrútspungar, mysulegin köld lifrarpylsa (þeir áttu nebbnilega ekki til örbylgjuofna í den..) og fleira góðgæti, er það sem útlendingar fá að kynnast þegar þeir koma hingað.
Hvaða mynd ætli þetta dragi upp af íslendingum? Við erum mjög fá, ekki mikið búin að fjölga okkur allan þann tíma sem við höfum verið hérna... Við borðum mat sem lyktar illa, bragðast illa og lítur alveg einstaklega illa út.. hmmm, það er dáldið pæling.
Tökum mig sem dæmi.
Ég er búin að anga af kæstri skötu, með ögn snert af soðnu hamsatólgi, í allan dag.. Þrátt fyrir það hef ég verið ágætlega vel til fara, setti jafnvel á mig smá varalit í tilefni dagsins!.. En ég angaði af kæstri skötu... Guði sé lof að minn heittelskaði er ekki á landinu! Ég held ég geti sagt með frekar mikilli vissu að ég hefði ekki fengið mikið luvin' það sem eftir lifði ÁRSINS ef hann hefði fundið þefinn af mér!!!
Gæti þetta verið ein ástæða þess að við fjölgum okkur ekki meira?!? Ekki nóg með það að við erum úturdrukkin af brennivíni, heldur öngum við einsog myglað fiskflak í ofanálag!!!
Við ættum kannski aðeins að endurskoða matarsiði okkar ef við ætlum okkur að verða næsta ofurveldi heimsins! ..og við getum það, því við höfum vetnið!!!

Bibbaða Skatan,
Svo sannarlega ekki fremst fyrir bragðið!

PS: Hvað gerist ef maður tekur "K" úr skatan....=SATAN!!! (courtesy of mayamus.blogspot.com)